Nangi-isyu ti Land Transportation Franchising and Regulatory Board (LTFRB) ti show cause order (SCO) kontra iti walo a bus companies gapu iti maatap a panangipangatoda iti pamasahe nga awan iti panangobrar ti gobyerno.
Iti impablaak ti nasao nga opisina nga statement, impetteng ni LTFRB chair Vigor Mendoza II a sumangsango ita ti walo nga operators iti posible a suspensyon ken pannakakanselar ti Certificates of Public Convenience (CPC) dagitoy.
“We understand the challenges that bus companies and other operators of public utility vehicles are facing now but these challenges must never be used as a reason or as an excuse to violate existing regulations at the expense of commuters,” sigun kenni Mendoza.
Sigun pay kenkuana, kasapulan nga ilawlawag dagitoy ken agipaayda iti rason nu apay a saan a rumbeng a mapenalize dagitoy.
Innayon pay ti nasao nga opisina a isardengen dagiti naisyu-an ti show cause order ti panangsingirda iti sobra kadagiti pasahero dagitoy.
Mapaayaban dagiti representatives dagiti walo a bus companies iti maysa a hearing inton Abril 3.
Binalaagan pay ti LTRFRB dagiti makinkukua kadagiti kompanya a nu saanda a mangisumitir iti explanation ken saanda nga agatendar iti panagdengngeg, maipataw ti kaskenan a pannusa kadagitoy pakairamanan ti P5,000 a fine. //bombokaren.c.s
