BAGUIO CITY – Natiliw dagiti dua nga indibidual iti buy-bust operation nga impatungpal dagiti otoridad sadiay Tuding, Itogon, Benguet.
Nabigbig dagitoy a da Kurt Ballogan Hamada, 28-anyos, naasawaan, awanan trabaho, tubo ti Mt. Province, residente ti Itogon, Benguet ken ni John Michael Cortez Araza, 31-anyos, baro, awanan trabaho ken residente ti Pinsao Proper, Baguio City.
Kinuna ti pulisya a ni Hamada ket maibilbilang a High Value Indibidual bayat a newly-identified drug personality ni Araza.
Nakumpiskar manipud kadakuada ti dua a pakate ti maatap a shabu nga agdagsen iti 0.10 grams ken ti cellphone nga inaramatda a nakitransaksion iti operatiba.
Narekober pay kadakuada ti naaramat a buy-bust money.
Sumangsangon dagitoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
