Kinumpirmar ni Whistleblower Julie “Dondon” Patidongan nga adda ti impormasyon dagiti dua a kakabsatna, seknan iti kaso dagiti mapukpukaw a sabungeros wennno cockfighting enthusiasts.
Sigun kenni Patidongan, kaduana dagitoy a nagtrabaho kenni businessman Charlie “Atong” Ang, ti naakusaran kas mastermind iti pannakapukaw a sabungeros.
Innayon ni Patidongan a dagiti kabsatna a da Jose ken Elakim ket binilin ni Ang nga aglemmengda sadiay Cambodia idi 2022.
Kabayatanna, inaklon ni Patidongan a ti kabsatna a ni Elakim ti nakita iti CCTV a nag-withdraw iti kuarta, usar ti ATM Card ti maysa a mapukpukaw a sabongero.
Mainaig iti dayta, inlibak ni Patidongan a natiliw dagiti kakabsatna idiay Cambodia, ken kinunana a ti Department of Justice ti nangyurnos iti panagsublida iti pagilian a Pilipinas.
