KAPANGAN, BENGUET – Pimmusay ti dua a menor de edad kalpasan ti aksidente idiay Bolinsak, Taba-ao, Kapangan, Benguet idi Marso 27, 2026.
Nabigbig dagiti biktima nga agtawen iti 14 ken 16 a residente iti Sitio Salat ken Sitio Ag-aggat, Barangay Central, Kapangan.
Iti interview ti Bombo Radyo kenni Police Major Leonardo A. Buya, Chief of Police ti Kapangan Municipal Police Station, kinunana a nakalugan dagiti biktima iti motorsiklo paturong idiay Amburayan River.
Iti inisyal nga imbestigasyon dagitoy, napartak ti panagpataray dagiti biktima iti motor ken inalada ti linya ti bus a nagtaud sadiay Kibungan, Benguet.
Nangitunda daytoy iti pannakaibangda iti sangwanan a paset ti nasao a bus.
Naiturong ti 16-anyos iti Kapangan District Hospital bayat a naitaray met ti 14-anyos iti Benguet General Hospital.
Nupay kasta, naideklara metlaeng a pimmusay dagitoy gapu iti nasagrapda a nakaro a dunor.
Sigun iti driver ti bus, dagus a nagpreno daytoy ngem napartak ti panagpataray dagiti biktima.
Iti agdama, adda iti kustodiya ti kapulisan ti driver ti bus ken ti immaneho daytoy bayat a maur-uray ti posible a pannakaipila ti kaso kotra kenkuana.
Nupay kasta, kinuna ni PMAJ. Buya a nagsasaritan dagiti pamilya dagiti biktima ken ti nasao a driver.//mp4
