Simmuko ti dua a personal assitants ni Pastor Apollo Quiboloy iti National Bureau of Investigation itay laeng alas onse ti agsapa.
Dagiti dua a gandat a naipaayan ti warrant of arrest nga impaulog ti korte gapu iti kasoda a child abuse ket nabigbig a da Jackielyn Roy ken Ingrid Canada.
Saan a nalawag nu sadinno ti nakatiliwan dagitoy ngem kinuna ti nasao nga ahensia a natiliw nga agkadwa dagitoy.
Malaksid da Roy ken Canada, karaman kadagiti sumangsango ti maatap a panaglabsing ti Special Protection of Children Against Abuse, Exploitation, and Discrimination Act ket da Quiboloy, Cresente Canada, Paulene Canada, ken Sylvia Cemañes.
Immunan a nakemmeg ni Cresente Canada idi laeng kalman bayat a nagturong met sadiay ni Paulene Canada ken Sylvia Cemañes ngem kalpasan daytoy ket nangipaayda ti piyansa para iti temporaryo a pannakawayawayada.
Iti agdama, maisagsagana dagiti dokumento da Jackielyn Roy ken Ingrid Canada sakbay a maitrun-over iti maseknan a korte.
