Temporario nga impawil iti Department of Agriculture ti panagangkat iti nabiag nga ayup ken dagiti produkto manipod iti ayop nga agtaud idiay Greece kalpasan a nakumpirmar ti kaso iti foot-and-mouth disease kadagiti tupa idiay Lesvos idi napalabas a bulan.
Iti sidong iti Department Circular 20, sinuspindir metlaeng iti DA ti panangiruar iti import clearances para kadagiti naapektaran a produkto ken napainget ti inspeksion iti amin a pantalan iti pagilian.
Karaman kadagiti naipawil ti skeletal muscle meat, nabiag a baboy ken baka, ken saan a naiproseso a gatas.
Mapatpatgan met ti sumagmamano a processed goods a pasado iti international safety standards.
Sigun kenni DA Sec. Francisco Tiu Laurel Jr., napateg nga addang daytoy tapno masalakniban ti livestock industry, maipasigurado ti food security, ken mapagtalinae ti sektor iti agrikultura.
