Impaganetget manen dagiti sumagmamano a senador ti panawaganda iti gobierno para iti dagos a tulong iti tengnga iti ngumatngato a presio kadagiti kangrunaan a gagatangen gapu iti krisis iti lana.
Sigun kenni Senador Imee Marcos, kasapulan nga aramaten iti Department of Agriculture ti kabaelanda tapno kontrolin ti presio iti bagas ken baboy, gaputa mapapati a nalabesen iti naituding a presio ti panangilako iti merkado publiko.
Kabayatanna, nagkiddaw metlaeng dagiti sumagmamano a mammanday-linteg a suspindirin wenno kessayan ti 12% VAT iti gasolina ken dadduma pay a gagatangen.
Adda metlaeng ti singasing da Senador Loren Legarda ken Senador Bam Aquino seknan iti daytoy, bayat a naipaganetget nga agtultuloy a makaapektar ti krisis idiay Middle East iti presio iti lana ken innaldaw a gastos.
Kidkiddawen metlaeng ni Senador Joel Villanueva ti nainget a pannakaipatungpal ti desision ti BSP a mangpalag-an iti digital fund transfer fees, tapno nalaklaka ti transaksyon para iti publiko iti baet ti krisis.
Impaganetget dagiti senador a saan koma a temporario ti tulong, no di ket mangipaay koma iti long term protection para kadagiti consumer.
