Naglusulos iti puesto da 1-Tahanan Party-list Representative Nathaniel Oducado ken Pinoy Workers Party-list Representative Franz Legazpi idi Lunes, May 18, 2026.
Saan metten a nadakamat ti rason ti panaglusulos dagiti dua mammanday linteg kabayatan ti plenaryo.
Kas presiding officer ti plenary session idi Lunes ti rabii, imbilin ni Deputy Speaker Yasser Balindong kenni House Secretary General Cheloy Garafil a maikkat da Oducado ken Legazpi iti roll of House members.
Maibasar iti House website, awanen ti nagan dagiti dua a mammanday linteg.
Maipalagip a karaman da Oducado ken Legazpi kadagiti 257 a pimmabor iti impeachment complaint kontra kenni Vice President Sara Duterte.
Maibasar iti social media post ni Oducado, naglusulos gapu iti personal a rason.
Daytoy ket adda ti pakainaigan ti salun-at ken ti pamilya na.
Patien ni Oducado a saan nga agpatingga ti adbokasia ti party-list gapu iti panaglusulos na.
Sigun kekuana, siasinoman a mangsukat kenkuana ket ituloyna ti isu met laeng a panagkumit.//mp4
