Nakemmeg dagiti dua nga indibidual, maysa a lalaki nga agtawen iti 41 ken ti maysa a babae nga agtawen iti 32 babaen iti naipatungpal a police response ti Drug Enforcement Unit ti La Trinidad Municipal Police Station sadiay Guadayan, Puguis, La Trinidad, Benguet ita nga aldaw.
Dagiti suspek ket nabigbig nga agpada nga stay in mason worker iti maysa a pagadalan sadiay Pico, La Trinidad, Benguet ken dagitoy ket agpada a tubo sadiay Pangasinan.
Nakumpiskar kadakuada ti dua a pidaso ti transparent plastic sachet a naglaon iti maatap a shabu nga agdagsen iti 0.4 grams nga addaan iti Standard drug price a nasurok P2,720.
Malaksid iti dayta, nakumpiskar pay ti maysa a pidaso ti stipped aluminum foil nga addaan iti residue ti maatap a shabu, maysa a rolled aluminum foil, ken dua a lighter.
Balligi a nakemmeg dagitoy kalpasan nga impakaammo ti maysa citizen iti La Trinidad Municipal Police Station ti manarimaan nga agipatpatungpalda a drug session.
Dagus a nagresponde dagitoy rason a naaktuanda dagiti suspek nga agar-aramat ti illegal a droga a nangitunda ti panakaarestar dagitoy.//Bombo Noveh Organo
