BAGUIO CITY – Pinarut ken inuram dagiti otoridad ti dumanon iti P4-M a gatad dagiti fully-grown marijuana plants iti dua nga aldaw a marijuana eradication operation dagitoy sadiay Proper Tacadang, Kibungan, Benguet idi Abril 27 ken 28, 2019.
Sigun iti Police Regional Office Cordillera, nadiskobre ti 815 a pidaso ti fully grown marijuana plants iti lima a plantation sites nga addaan kalawa a 300 square meters.
Nasarakan met ti 30 a kilos ti dried marijuana a nailemmeng iti nagsina a disso.
Insayangkat ti Kibungan Municipal Police Station, Benguet Provincial Drug Enforcement Unit ken Philippine Drug Enforcement Agency – Cordillera ti nasao nga operasyon.
Sigun iti pulisya, ti operasyon ket paset ti implementasyon ti oplan ti Kibungan PNP tapnu madalusan ti munisipalidad manipud iti marijuana.
Inkari met ti Cordillera PNP ti agtultuloy a panangbirukda kadagiti pagmulaan ti marijuana iti masakupan ti rehiyon tapnu madadael dagitoy ken maisardeng ti panagado dagiti krimen a bunga ti panagaramat iti iligal a droga.
