--Ads--
Kampante ni Department of Public Works and Highways (DPWH) Secretary Vince Dizon iti dagsen ti ebidensiya a sangwen ni presidentaial cousin, Leyte Rep. Martin Romualdez.
Sigun kenni Dizon, agtigtignay ti legal a proseso kontra kenni Romualdez ken sigurado nga iti kabiitan a panawen ket maipila ti kaso kontra kenni Romualdez.
Innayon ni Dizon a daytoy mismo ti nangirefer ken nangisubmitir iti ebidensiya iti office of the Ombudsman idi Nobiembre 30, 2025.
Ti nasao nga ebidensiya ti rason ti pannakaipaulog ti freez order iti sanikua ni Romualdez.
Impetteng ni Dizon nga iti baet nga adu dagiti mangnamnama a makasoan wenno maibalud ni Romualdez, kasapulan latta a dumalan iti umno a proseso ti maipila a kaso.
