BAGUIO CITY – Dumanon iti P1.2-M ti pondo ti maipaay iti 12 a barangay sadiay Mankayan, Benguet kas kanayonan a tulong pinansial gapu iti epekto ti COVID-19.
Sigun kenni Mayor Frenzel Ayong, pinirmaanan ti cheke nga agserbi nga augmentation fund ken tunggal barangay ket makaawat ti P100,000.
Kinunana a nasken nga aramaten met dagiti barangay ti quick respond fund dagitoy tapnu aggatang kadagiti relief goods a maipaay kadagiti umili ti nasao a munisipyo.
Nupay kasta kasta, dinayawna ti kaugalian dagiti umili sadiay Mankayan gapu iti panangidonarda kadagiti nateng para paylaeng kadagiti naapektaran a pamilya iti manarimaan nga enhanced community quarantine.
Innayona nga agtata-ud dagiti nagduduma a nateng sadiay Upper Mankayan ken maiturturong dagitoy iti sentro ti munisipyo ken maiwaras met kadagiti minero.
Sigun pay kenni Mayor Ayong, rinugiana metten nga aggatang kadagiti natnateng manipud kadagiti naapektaran a mannalon ti Mankayan tapnu itulongda kadagiti frontliners ti munisipyo.
