BAGUIO CITY – Panggep ti lokal a gobierno ti Tabuk City, Kalinga nga ilaylayon ti pay ti panakaipasidong ti siudad iti Enhanced Community Quarantine (ECQ) agingga inton Pebrero 14 gapu iti agtultuloy a panagngato ti kaso dagitoy iti COVID-19.
Immunan a naipasidong ti Tabuk City iti ECQ idi January 25 nga agleppas inton Pebrero 7.
Sigun kenni Tabuk City Health Officer Dr. Henrietta Bagayao, agtultuloy a makailislista ti siudad iti kabarbaro a kaso gaputa manarimaan ti contact tracing kadagiti nakapulapol dagiti agpospositibo sadiay iti nasao a sakit.
Kiniddawna metlaeng ti panakitinnulong dagiti umili sadiay kadagiti pagalagadan iti sidong ti ECQ tapnu saan pay a manaynayunan ti kasoda iti COVID-19.
Dinakamatna pay nga amin dagiti quarantine facilities sadiay Tabuk City ket okupado dagiti agdama a nagpositibo iti COVID-19 ken maymaysa laengen ti bakante ngem para kadagiti returning residents.
Naalarma met ni City Mayor Darwin Estrañero iti nangato a kasoda iti COVID-19 isut gapuna a panggepda a mailaylayon ti ECQ ti Tabuk CIty.
