Dumanonen iti 408 nga election gun ban violators ti naarestar manipud nangrugi ti election period idi Enero a dose, sigun iti Philippine National Police (PNP).
Kaaduan kadagiti nakemmeg ket sadiay Metro Manila a dumanon iti 112, sarunuen ti Central Luzon nga addaan iti 87 ken sadiay Central Visayas nga addaan iti rekord a 43.
Dagiti nakemmeg iti daytoy ket pakairamanan dagiti uppat nga Armed Forces of the Philippines (AFP) personnel, dua a law enforcement agencies personnel, walo a security guards, maysa nga appointed government official, ken tallo a foreign nationals.
Kabayatanna, pakabuklan met iti 416 a firearms ti nakumpiskar kadakuada pakairamanan dagiti 175 revolvers, 115 pistols, 10 explosives, pito a rifles, maysa M15 A2 rifle,ken 101 a dadduma pay.
