Inlawlawag ti state weather bureau nga agingga ita a bulan ti Marso a marikna ti epekto ti Amihan wenno ti Northeast Monsoon.
Iti panakiuman ti Bombo Radyo kenni Perla Dangpayan manipod Philippine Atmospheric, Geophysical and Astronomical Services Administration(PAGASA)-Baguio,inlawlawagna a narikna ti nadarang wenno medyo napudot a temperatura kadagiti napan a lawas gapu ta ti agraraira a paniempo ket Easterlies.
Iti agdama, marikrikna ti nalamiis a temperatura gapu met iti panagraira Northeast Monsoon.
Iti patta-patta ti nasao nga opisina, agpa-ut agingga ita a lawas ti marikna a nalamiis a temperatura maibasar iti forecast.
Saan met a manamnama ti iseserrek ti bagyo maibasar iti assessment ti nasao nga ahensya.
Kabayatanna, inlawlawag ni Dangpayan nga awan ti kinaagpayso dagiti sayangguseng nga agpa-ut ti nalamiis a panawen agingga Agosto gapu iti maibagbaga nga epekto ti maysa a phenomenon.//Bombo Rob Dominguez
