Inaklon ni House Deputy Majority Leader Erwin Tulfo a daytoy ket sigud nga awan dokumentona a mangmangged idiay idiay Estados Unidos, a pagaamo iti publiko iti termino a “TNT” wenno “tago nang tago.”
Inaramid ni Tulfo ti panagaklon kalpasan dagiti alegasion iti social media nga inusarna ti fraudulent identity tapno makaala iti American passport.
Kinuna ti mammanday-linteg a pimmanaw daytoy idiay Estados Unidos idi 1986 nga addaan iti tourist visa ken nagtrabaho iti sangapulo a tawen.
Ngem impaganetget ni Tulfo nga inaramidna laeng daytoy tapno matulongan ti pamiliana.
Ikalkalinteganna nga awan ti inaramidna a saan a nasayaat ken inaklonna a daytoy laeng ti biddut nga inaramidna, ti agbalin a “TNT” wenno “tago nang tago.”
Patien ni Tulfo a ti panagatakeda iti kredibilidadna ket mainaig iti nangato a ranggona kadagiti surveys seknan iti “preffered” wenno kaykayat a Pilipino nga agbalin a senador.
