Inlawlawag ni Estados Unidos President Joe Biden a saan a maikonsidera kas “genocide” ti ar-aramiden ti Israel kontra kadagiti militante a grupo ti Hamas idiay Gaza.
Indepensar ni President Biden ti Israel ken saanna nga inkankano ti kritisismo manipod kadagiti pro-Palestinian protesters.
Kasaruno ti pannakipasetna iti nagduduma a programa iti intero a pagilian nu sadinno, adu dagiti nangbabalaw kenkuana a pro-Palestinian advocates ken inawaganda daytoy kas “Genocide Joe” gapu iti panangsuportana iti Israel.
Patien ni President Biden a biktima iti Israel gaputa immuna a rimmaut ti Hamas idi Oktubre a siete iti southern Israel a nakatayan ti 1,200 nga indibidual ken nakawtibo iti ginasgasut nga indibidual.
Sigun pay iti presidente, suportaranda ti Israel ken kayatda a maabak ti Hamas ken ti dadaulo daytoy a ni Hamas leader Yahya Sinwar ken dagiti dadduma pay a dadaulo.
Nupay kasta, kiddaw ni President Biden ti dagos a panagsardeng ti gubat idiay Gaza.
