Nalayus ti school building nga agserserbi kas evacaution center idiay Dagupan, Pangasinan gapu iti agtultuloy a panagbayakabak ti tudo nga intuntunda ti Southwest Monsoon ken tropical cyclones.
Gapu iti dayta, immakar dagiti tattao iti second floor bayat a nagturong dagiti dadduma iti stage ti school covered court.
Mainaig iti dayta, naimplementar ti force evacuation idiay Barangay Lubo, Dagupan gapu iti layus.
Maibasar iti datos, 200 a pamilya a buklen ti 500 nga indibidual ti agtaltalinaed iti evacuation centers kalpasan a nalayus met ti Calasiao, Pangasinan.
Sigun iti Calasiao Disaster Risk Reduction Management Office, 24 a barangays ti nalayus sipud idi July 24, 2025.
Kabayatanna, manarimaan ti rescue operation sadiay Calasao.
Nakaelerto met dagiti otoridad iti epekto ti Habagat ken Typhoon Emong.
