ABRA- Agtultuloy latta a mapaspasaran ti nakaro a kinabara ti panawen idiay Abra gapu paylaeng iti epekto ti El Nino.
Gapu iti daytoy, nasuspindir ti face to face classes dagiti estudyante manipud alas dies iti agsapa agingga alas tres iti malem, no sadino nangrugi daytoy idi lunes, Mayo sais agingga inton Mayo diese otso.
Karaman kadagiti nasuspindir ket dagiti pampribado a pagadalan kasta met dagiti parapubliko ken dagiti amin a levels manipud kadagiti educational institutions.
Maipalagip nga immunan a nangipayulog ti gobernador sadiay ti executive order para iti alternative mode of teaching ken learning kadagiti nasao nga aldaw.
Kabayatanna, tapno masigurado nga epektibo ti nasao a learning mode, naiyu-unay kadagiti nagannak dagiti estudyante a tulungan dagitoy dagiti annakda ken obserbaren ti regular nga attendance da bayat ti school hours.
