![](https://img.bomboradyo.com/baguio/2024/07/NO-COLLECTION-OF-FEE.jpg)
BAGUIO CITY – Sumagmamano kadagiti nadadael iti pagadalan ket ti ceiling, sinerrek ti danum ti uneg ti classroom, ken panakargaay ti daga.
Nupay kasta, kinuna ni Cyrille Gaye Miranda, panakangiwat ti Department of Education – Cordillera a manageable dagitoy babaen iti panakaipatungpal ti umno nga addang para iti kinatalged dagiti sumrek a learners inton Lunes, Hulyo 29.
Iti sabali a bangir, awan ti pakaseknan seknan iti suplay ti kuryente kadagiti pagadalan.
Kabayatanna, saan a mandatory ti panagusar ti uniporme ngem maal-allukoy dagiti learners nga ag-uniporme da iti panaglukat ti klase.
Kinuna ni Miranda nga awan ti makolkolektar a fee iti Brigada ken bayat ti enrollment ngem ipalpalagipna a dagus nga ipakaammo iti departamento ti isyu seknan iti panagkolektar ti fee.
Inlawlawagna pay a nu saan a mabayadan ti nagannak ti agreed PTA fee ket saan a mapwersa nga agbayad ken saan a daytoy ti rason tapno saanda nga i-enroll ti annakda.