Napaay ni Filipino rower Joanie Delgaco a makaala iti medalya iti manarimaan a 2024 Paris Olympics kalpasan a nagleppas iti maika-innem a pwesto iti women’s singles sculls quarterfinals a naangay iti Vaires-sur-Marne Nautical Stadium itay laeng malem.
Nagleppas ni Delgaco iti uneg ti pito a minutos ken lima pulo ket walo a segundo (7:58.30).
Umuna iti pwesto ni Emma Twig ti New Zealand (7:26.89), maika-dua ni Aurelia-Maxima Katharina ti Switzerland (7:31.12) ken maikatlo ni Virginia Diaz Rivas ti Spain (7:34.01).
Dagiti laeng nadakamat a Top 3 rower ti makaay-ayam iti Semifinals A/B.
Iti baet daytoy, agay-ayam latta met ni Delgaco iti semifinals C/D classification phase inton bigat, July 31.
Ditoy nga ikagumaan ti Filipino rower a mapapintas ti rekordna tapno adda ti posibilidad a magun-odna ti 13th place, ti highest possible ranking iti women’s single sculls.
