Impakaammo ti Gatchalian bloc ti posible a panangipilada iti kaso kontra kadagiti indibidual a dinmar-ay iti Senate Blue Ribbon Committee hearing nga indaulon ti kampo ni Cayetano.
Sigun iti kampo ni Gatchalian, kurang ti parliamentary immunity ti naisayangkat a panagdengngeg.
Sigun kenni Senator Panfilo “Ping” Lacson, mabalin a makasuan iti cyber libel ken dadduma pay a kaso dagiti nakipaset iti nasao a hearing gapu ta maikonkonsidera daytoy a ‘bogus’ ken saan a lehitimo.
Innayonna a saan a mabalin nga aramaten kas depensa ti parliamentary immunity gapu ta saan nga opisyal ti insayangkatda a panagdengngeg iti Huwebes, Hunyo 11.
Inmannamong met ditoy ni Senator Francis “Kiko” Pangilinan.
Immunan nga impetteng ni Senator Alan Peter Cayetano a daytoy latta ti lehitimo a Senate President ken addaan karbengan a mangisayangkat iti Blue Ribbon hearing nga idadauloan da Senator Pia Cayetano ken Senator Rodante Marcoleta. //bombokaren.c.sapirao
