Inwaragawag ni Senator Erwin Tulfo, naituding nga ituloy a talantanen ti Senate Blue Ribbon Committee ti imbestigasyon iti maatap a flood control scam iti panagsubli ti sesyon ti Kongreso inton Hulyo 27, apaman a mabukel ti komite.
Iti maysa nga interview, kinuna ni Tulfo a saan a mabalin a mangisayangkatda iti panagdengeg gapu ta kasapulan pay a madutokan dagiti miyembro daytoy iti umuna a sesyon kagidan ti State of the Nation Address (SONA).
Sigun iti senador, karaman kadagiti umuna a talantanenda ket ti isyu iti flood control projects. Innayonna a mangipatungpal metlaeng daytoy kadagiti baro a pagalagadan ti komite karaman iti nainginget a beripikasyon dagiti affidavit ken panangipawil iti “surprise witness,” tapno adadda nga agbalin a naurnos ti panadengngeg.
Kagidan iti agtultuloy nga imbestigasyon, indagdagagdag metlaeng ita ni Senator Tulfo ti pannakaipasa ti Senate Bill No. 1360 o ang Masterplan for Infrastructure and National Development (MIND) Act a panggepna a mangbukel iti long term national infrastructure masterplan tapno saan a malaokan ti politika ti panangipatungpal kadagiti infrastructure project iti pagilian. //bombokaren.c.sapirao
