--Ads--
Imbinglay ti ang Movie and Television Review and Classification Board (MTRCB) a nakasaganan a mangiregulate kadagiti online streaming platforms iti kanito nga palawaen ti Kongreso ti mandato ti ahensya.
Impanamnam daytoy ni MTRCB Chairperson Lala Sotto kalpasan iti damag ni Senator Erwin Tulfo nu kabaelan ti ahensya nga imanehar dagiti online platforms, pakairamanan dagiti subscription video-on-demand services.
Sigun kenni Sotto, kabaelan nga aramiden daytoy ti MTRCB ngem kasapulan ditoy ti nalawlawag a koordinasyon kadagiti streaming provider.
Iti baet dayta, impasiguradona a kabaelanda ti panangipatungpal iti daytoy.
Inlawlawag met ni Sotto a saan a panggep ti MTRCB nga ipawil dagiti pelikula nu di ket iregulate da laeng dagitoy.
