--Ads--
Kinidaw ni Senate Blue Ribbon Committee Chairperson Senator Erwin Tulfo ti gobyerno a mangilatang a dagos iti konkreto a plano ken umdas a gatad para iti posible a nakaro nga epekto iti El Niño, kasaruno iti panagballaag dagiti maseknan nga ahensya iti posible a nakaro a tikag, panagngato ti presyo dagiti kangrunaan a gagatangen , kasta metten iti epekto daytoy iti pagbiyagan dagiti Pilipino.
Sigun kenni Tulfo, saan a rumbeng nga urayen ti gobyerno a kumaro ti epekto sakbay daytoy nga aggaraw, nangnangruna ta addan ti naiparuar a datos seknan iti posible nga epekto daytoy.
Impettengna a rumbeng nga ada ti nalawag a plano iti tunggal ahensya ken umdas a resources tapno makarugida metten a makagaraw sakbay a kumaro ti sitwasyon.
