Nagkiddaw dagiti otoridad idiay Ceuta iti tulong ti gobierno ti Spain kalpasan a ginas-gasot a migrants ti nagturong sadiay.
Maksid iti dayta, nakiddaw sadiay Madrid ti pannakaideklara ti national emergency ken mangibaon iti soldado a mangpapigsa iti seguridad.
Ti Ceuta ket bassit nga Spanish territory iti North African coast.
Sigun kadagiti maseknan nga otoridad, ginas-gasot a migrants manipud sadiay Morocco ti naglanguy, nag-float wenno nagna tapno makaserrekda iti teritoryo ti Spain.
Kaaduan kadagiti nagturong iti Spain ket dagiti agtutubo a lallaki, babbai, ken ubbing a kaduada ti pamiliada.
Sigun kenni Ceuta regional government head Juan Jesús Vivas, kasapulan ti kanayonan a puersa ti pulisya ken militar tapno mataginayon ti seguridad iti nasao a lugar.
Immuna nga impakaammo ni Vivas a napusek dagiti migrants reception center idiay Ceuta no sadino, ginasut a migrante ti napilitan a maturog kadagiti kalsada.
Kabayatanna, kumarkaro manen ti tension iti beddeng ti Spain ken Morocco kalpasan ti panagadu dagiti migrante a mangpadpadas a sumrek idiay Ceuta, agraman dagiti aglanglangoy tapno laeng makasrekda sadiay pagilian nga Spain.
