Posible a maipawil iti Pilipinas ti online sandbox game a GoreBox kalpasan a nagkedked ti developer daytoy a ni Felix Filip a sumango iti Senado ken ilawlawag dagiti safety measures iti ay-ayam, sigun iti Cybercrime Investigation and Coordinating Center (CICC).
Temporario a linapdan iti Cybercrime Investigation and Coordinating Center ti access iti Gorebox kalpasan ti pammaltog iti maysa a pagadalan idiay Tacloban City idi Hunio 22 a nakatayan iti tallo nga estudiante.
Impaganetget iti developer a ti ay-ayam ket para laeng iti agtawen iti 18 agpangato.
Sigun iti CICC, agtalinaed a naka-ban ti ay-ayam agingga a saan a mapaneknekan nga addaan daytoy iti age verificatioon ken dadduma pay a mekanismo tapno masalakniban dagiti menor de edad.
Kinuna metlaeng iti ahensia a panggep iti panangipawil a lapdan ti panagaramat iti platform dagiti extremist group gapu iti kinaranggas ti ay-ayam.
