Sinuspende iti Ombudsman idi kalman, ni Erico Aristotle Aumentado ti Governor iti Bohol ken innem a pulo ket wallo nga opisiales a nakairamanan iti regional directors, department heads, mayors ken punong barangays.
Nasuspende dagiti nasao nga opisiales iti innem a bulan, mainaig iti imbestigasion iti panakaipasdek iti maysa a resort iti Chocolate hills a maysa kadagati protected area ken global geological park.
Maipalagip a nakaawat iti pammabalaw ti pannakaibangon iti nasao a resort agsipudta, maibilbilang ti Chocolate hills kas tourism signature iti Bohol, United NationsEdicational. Scientific and Cultural Organization Heritage site ken naideklara a geo-park.
Sigun kenni Atty. Jamie Aumentado Villamor, Chairman iti PB Committee on Environment, imbilin ti Bohol Department of Environment and Natural Resources-Protected Area Management Board (PAMB) ti pannakapasardeng ti pannakaibangon dagiti estruktura idi Setiembre 2023.
Nupay kasta, nagtultuloy ti pannakaibangon ti swimming pool, water slide, ken cottage iti Captainโs Peak Resort iti paset iti naso a Chocolate Hills.
