--Ads--
BAGUIO CITY – Naisayangkat ti ground breaking ceremony para iti konstruksion ti baro a pasdek ken opisina ti Benguet Police Provincial Office sadiay Buyagan, Poblacion, La Trinidad, Benguet.
Iti panakiyuman ti Bombo Radyo Baguio kenni Governor Melchor Diclas, imbingayna a ti lote ket indonar ti provincial government nga addaan kalawa a 1,000 square meters.
Kinunana a babaen iti baro a pasdek ti pulisya ti Benguet ket manamnama ti napimpintas a serbisyo dagitoy iti publiko.
Innayonna nga as-asideg ti nasao a lokasyon iti komunidad a makatulong iti panakaiyasideg dagiti pulis kadagiti tattao.
Puntirya met ti Benguet Police Provincial Office a malpas inton sumaruno a tawen ti konstruksion ti baro a pasdek ti opisina dagitoy.
