BAGUIO CITY – Indaluan ni Benguet Caretaker Congressman Eric Go Yap ti ground breaking ceremony ti Gambang Bridge sadiay Bakun, Benguet.
Naponduan ti nasao a proyekto iti P104.8 million.
Manamnama nga agserbi a solusion ti Gambang Bridge iti masansan a pannakairikep ti Sinipsip-Poblacion portion of the Acop-Kapangan-Kibungan-Bakun-Buguias Road gapu iti panagreggaay.
Sigun kenni Yap, babaen iti rangtay kat agbalin a naannayas ti iseserrek ken iruruar dagiti umili sadiay Bakun.
Kinunana a kangrunaan nga agnumar iti daytoy dagiti mannalon a mangibiahe kadagiti produktoda sadiay La Trinidad, Benguet.
Kiniddaw pay ti kongresista ti agtultuloy a kooperasion ken suporta dagiti umili ken opisial ti Benguet kadagiti proyekto ken programa ti agdama nga administrasion.
