Impeksa ti Department of Agriculture (DA) ti suportada iti half-cup rice initiative tapno maksayan ti pannakasayang ti taraon.
Sigun kenni DA Spokesperson Assistant Secretary Arnel de Mesa, kayatda nga adalen ti gakat a mangipapaay ti half rice iti publiko.
Natakuatan ti maysa a panagadal nga inaldaw a masayang ti tunggal Pilipino ti nasurok innem ket kagudua a gramo a bagas.
Mabalin a nasurok a maysa a kutsara, ngem no maurnong dagiti naibelleng a bagas, mabalin a dumanon iti 255,000 metriko tonelada (MT) wenno agarup 5 milion a sako ti bagas iti makatawen.
Sigun met kenni Hazel Antonio Beltran, head of the Development and Communication Division of the Philippine Rice Research Institute (PhilRice), uppat a pulo ket pito a lokal nga ordinansa ti mangipalubos iti half-cup rice servings, ngem mapangpanggep a maiyemplementar iti intero a Pilipinas babaen kadagiti lokal a gobierno sakbay a mapirmaan ti executive order.
Kabayatanna, inaprobaran met ti dadduma nga indibidual ti half-cup rice initiative.
