Nadiskobre ti handwritten letter ni Dr. Jose Rizal para iti maysa nga Austrian journalist idi pay tawen 1887 iti Vienna City Library sadiay Austria.
Daytoy a surat ni Rizal ket para kenni Johannes Nordman nu sadino mabasa iti daytoy ti komentona maipapan iti nobela nga impaay ni Nordman sakbay a nagturong daytoy sadiay Chamonix, a masarakan iti pagilian a France.
Iti nasao a surat, ita laeng a naamoan a binisita gayam ni Rizal ti Chamonix, asideg iti Mont Blanc a nakaangayan iti kaunaan a Winter Olympic Games idi tawen 1924.
Ti panakadiskobre ti handwritten letter ni Rizal ket kalpasan a nakita ni Austrian cultural anthropologist Dr. Johann Stockinger ti extraordinary a dokumento idi tawen 2023 kabayatan ti panagresearchna kadagiti surat a naipatulod kenni Nordman.
Ditoy a nakitana ti surat manipud iti nagan a “Jose Kisz” ken bayat ti panagkitana kadagiti sumarsaruno a panid ket nabasana ti “Noli Me Tangere.”
Kabayatanna, kinuna ti Vienna City Libary a saanda nga ammo ti maipapan iti surat agingga a nadiskobre ti anthropologist.
Sabali met ti naikargada a label iti nagan ni Rizal gapu ta narigat a mabasa ti signature daytoy.
Naiparang met daytoy iti publiko idi napalabas a bulan.
