Kinumpirmar ti Malacañang ti panaglusolos ni Health Secretary Ted Herbosa manipud iti posisyon ita nga aldaw.
Maibasar iti surat nga inpatulod ni Herbosa, impettengna a kasapulanna a bantayan ti salun-atna kasaruno iti operasyon iti tumengna.
Dinakamat metlaeng ni Herbiosa a naituding gamin metlaeng daytoy a maipasidung iti extensive rehabilitation iti las-od ti tallo agingga uppat a bulan.
Nagkiddaw met daytoy iti pammakawan nu adda man dagiti napaay kabayatan iti panagserbina kas DOH Secretary.
Kabayatanna, inyanunsyo ni Undersecretary Claire Castro a sukatan daytoy ni Philippine Orthopedic Center (POC) Medical Center Chief Dr. Jose Brittanio Pujalte, Jr.
Ni Pujalte, Jr. ket maysa a veteran health practitioner. Nagserbi daytoy kas presidente iti Philippine Orthopedic Association idi 2009 ken indauloanna ti POC manipud Hulyo 2014. //bombokaren.c.sapirao
