Nakemmeg ti maysa nga high value individual sadiay Baculongan Sur, Buguias, Benguet kabayatan ti naipatungpal a buy-bust operation itay laeng nabiit.
Daytoy ket maysa a lalaki, agtawen iti 43, addaan iti asawa, mannalon, ken tubo iti Baculongan Sur, Buguias Benguet.
Nakumpiskar manipod kenkuana ti maatap a shabu nga agbalor iti PhP 59,024 ken agdagsen iti 8.68 grams.
Malaksid iti dayta, nakumpiskar metlaeng manipod iti suspect dagiti non-drug evidence a pakairamanan iti maysa nga original one thousand peso bill, maysa a pidaso ti one thousand peso bill fake boodle money, maysa a touchscreen cellular phone, maysa a bunch of keys, ken maysa a Tamaraw FX.
Nakemmeg ti suspect babaen iti nagtitipon a pwersa dagiti kameng iti PDEU/PIU Benguet Police Provincial Office, 1st PMFC ken ti Buguias Municipal Police Station.//Bombo Genzel Depayso
