Naarestar ti 49 years old a ni alyas Tope, maysa nga high value target, tubo sadiay Pasig City ken residente sadiay Purok Magsaysay, Loakan Proper, Baguio City babaen iti search warrant nga impatungpal ti Philippine Drug Enforcement Agency-Cordillera, Baguio- Benguet idi kalman.
Nakumpiskar manipud iti suspek ti nagduduma a drug paraphernalias kas iti lighters, foils, improvised tooter, glass tooter , improvised scoop, adu a piraso ti opened empty transparent plastic sachet nga addaan iti traces ti shabu, aluminum strip, rolled foil ken kartib.
Malaksid ti dayta, nakumpiskar manipud kenkuana ti tallo a pidaso ti heat sealed transparent sachet a naglaon iti 15 a gramo ti shabu, addaan daytoy iti standard drug price a dumanon iti P102,000.00.
Balligi ti naipatungpal nga operasyon babaen iti nagtinnulong a pwersa dagiti nagduduma a yunit dagiti otoridad kas ti Philippine Drug Enforcement Agency-Cordillera, Baguio- Benguet (lead unit) , Philippine Drug Enforcement Agency-Cordillera-RSET, ken ti Baguio City Police Office Station 4
Ti suspek ket sumangsango ti kaso a panaglabsing ti section 11 ken 12 ti Republic Act 9165 wenno ti comprehensive dangerous drugs act of 2002.//Bombo Noveh Organo
