--Ads--
BAGUIO CITY – Nakemmeg ti maysa a high value target wenno target-listed drug personality dagiti otoridad iti insayangkatda a buy-bust operation sadiay Amganad, Banaue, Ifugao idi kanikadua, July 21.
Nabigbig daytoy a ni Charles Kimmayong, 33-anyos ken residente ti Viewpoint, Banaue, Ifugao.
Nakumpiskar kenkuana ti lima a gramo ti shabu nga aggatad ti P34,000 ken paraphernalia.
Naisayangkat ti operasyon kalpasan ti maysa pay nga operasyon a nakakemmegan dagiti pito a turista manipud Metro Manila a nangibiahe iti marijuana babaen iti maysa a bus a paturong sadiay Cubao.
