--Ads--
BAGUIO CITY – Nakemmeg ti maysa a High Value Target dagiti otoridad sadiay Naguillian, Sallapadan, Abra.
Nabigbig daytoy a ni Brandon Castillo Gaddaoan, 38-anyos, residente iti nasao a lugar.
Nakemmeg daytoy kalpasan a nagpositibo ti search warrant nga impatungpal dagiti otoridad iti pagtaenganna.
Impaulog ni Regional Trial Court – Branch 88, Quezon City Presiding Judge Rosanna Fe Romero-Maglaya ti nasao a search warrant.
Nakumpiskar iti pagtaengan ni Gaddaoan ti dua a pakete ti mapapati a shabu nga agdagsen iti 0.80 grams ken sumagmamano a drug paraphernalia.
Sumangsango ita ti drug personality iti kaso a panaglabsing iti RA 9165 wenno iti Comprehensive Dangerous Drugs Act of 2002.
