--Ads--
Inlawlawag ni House Majority Leader Sandro Marcos a saan a kiniddaw ni President Ferdinand Marcos Jr. ti panaglosulos ni sigud a House Speaker Martin Romualdez iti takem.
Sigun kenni Marcos, boluntaryo ti inaramid ni Romualdez a panaglosulos.
Impasiguradona met a nasayaat ti relasyon ti Presidente kenni Romualdez.
Maipalagip a pormal nga inwaragawag ni Romualdez ti panaglosulosna iti pwesto idi laeng kalman.
Immunan a kinunana a naglosulos daytoy tapno maipaayan iti nawaya nga imbestigasyon ti kamara iti maatap a naanomalyaan a flood control projects iti Pilipinas.
Kabayatanna, inyebkas ni Romualdez ti panagyamanna kagiddan ti panaglosulos daytoy iti takem.
