Pinaglibakan ni House Committee on Social Services Chairperson ken Davao Oriental Rep. Cheeno Almario dagiti report a ti saan a panagtunos iti “anti-epal” provision ti rason iti pannakaitantan iti pannakabalbaliw iti singasing nga agbalin a linteg iti Assistance to Individuals in Crisis Situation (AICS) program.
Sigun kenni Almario, awan ti panagtubngar ti Kamara iti nasao a probision ken agtaltalinaed a nakapokus ti lehislatura iti panangisigurado a saan a maaramat iti pulitika ti programa iti Department of Social Welfare and Development (DSWD).
Impaganetgetna nga adda ti “safeguards” iti singasing a kas iti probision iti 2026 General Appropriations Act a mangipawil kadagiti opisial ken partido iti pulitiko a maimpluwensiaan ti panangiwaras iti ayuda.
Inlawlawag metlaeng ni Almario a ti pannakaitantan ket gapu iti panangrepaso iti sao iti singasing tapno masigurado a nalawag ken maipatungpal daytoy.
Kabayatanna, kidkiddwen iti Senado ken Karama a leppasen ti proseso ken dagos a patibkeran ti singasing.
