Nakikaykaysa ni House Speaker Ferdinand Martin G. Romualdez kadagiti nangiyebkas iti panakipagladingit iti ipupusay ni Pope Francis, a para kenkuana ket maysa a pagtuladan iti ti pannakipagrikna ken kinapakumbaba a nangipaay iti pannakaagas ken namnama kadagiti minilion a tattao iti intero a lubong, nangruna kadagiti Pilipino a nangawag kenkuana iti “Lolo Kiko.”
“It is with a heavy heart that I join the world in mourning the passing of Pope Francis, whom we in Leyte and across the Philippines lovingly called Lolo Kiko.”
House Speaker Martin Romualdez
Saan a malipatan ni Speaker Romualdez ti panagturong ni Pope Francis idiay Tacloban iti baet a saan a nasayaat ti panawen a saanna nga inkankano ti panagtudo.
Sigun pay iti Speaker, ni Pope Francis idi ti inspirasionda nga agtultuloy nga agbiag iti laksid ti trahedia a pinarnuay ni Bagyo Yolanda.
Kinuna ti House leader a nagbiag ni Pope Francis iti pudno nga espiritu ti maysa a lider—ti panangaywan kadagiti napanglaw, masakit, ken dagiti nalipatan ti kagimongan, ken panangted saan laeng a kararag no saan pay ket ti panagtignay.
Kinunana pay a ti ipupusay ti patpatgen a Santo Papa ket nadagsen a pukaw saan laeng a para kadagiti Katoliko no di ket kadagiti amin a pammati a nakasarak iti pigsa ken namnama kadagiti sasao ken aramidna.
“The world has lost a great man. But the kindness, the wisdom, and the deep compassion he shared with us will never fade. Lolo Kiko may have left this earth, but his spirit will live on in every heart he touched. Rest now, Holy Father. You have done more than enough. Thank you for loving us. Thank you for believing in us. We will carry your light forward.”
House Speaker Martin Romualdez
