Housewife, natakawan iti nasurok P150-K iti uneg ti maysa a gym sadiay La Trinidad, Benguet
BAGUIO CITY–Natakawan ti maysa a housewife iti uneg ti maysa a gym sadiay KM6 La Trinidad Benguet idi kalman.
Nabigbig ti biktima a ni Margaret Kiat-ong,agtawen ti duapulo ket walo,naasawaan residente ken tubo ti Alapang ,La Trinidad Benguet.
Sigun ti biktima , nagturong daytoy iti maysa a gym sadiay KM6 La Trinidad ken imbatina ti bag daytoy iti likodan ti ridaw ti nasao a gym.
Nupay kasta, kalpasan ti panagsanayna ket naduktalanna a mapukpukaw ti bagna.
Kinunana a naglaon ti nasao a bagna iti P150,000, wallet a naglaon iti P14,000 ken coin purse a naglaon iti P800.
Maibasar ti imbestigasyon ti pulisia, nakita iti CCTV footage a maysa a babai a nakasuot ti face mask ti nangtakaw ti bag ti biktima.
Agtultuloy ti imbestigasyon ti pulisia tapno masukimat da ti nasao a babai ken nu am-amo da iti nasao a gym.
