--Ads--
BAGUIO CITY – Natiliw ti maysa a high value target ti PDEA-Cordillera iti insayangkat dagitoy a buy-bust operation sadiay Slaughter House Compound, Barangay Santo Niño, Baguio City idi rabii.
Nabigbig daytoy a ni Rogelio Postadan III alyas Jako, 31-anyos, baro, karpentero ken residente ti nasao a lugar.
Nakumpiskar kenkuana ti maysa a pakete a naglaon ti maatap a shabu nga agdagsen ti dua a gramo ken aggatad ti P13,600.
Nakumpiskar metlaeng kenkuana ti cellphone nga inaramatna iti transaksionda iti operatiba ken narekober iti ikotna ti naaramat a buy-bust money.
Iti agdama, sumangsangon ni Postadan III iti kaso a panaglabsing iti RA 9165 wenno ti Comprehensive Dangerous Drugs Act of 2002.
