Imbinglay ni Ombudsman Jesus Crispin “Boying” Remulla a nangiruaren ti arrest warrant ti International Criminal Court (ICC) kontra kenni Senador Ronald “Bato” Dela Rosa.
Mainaig daytoy kadagiti alegasion ti crimes against humanity nga adda pakainaiganna iti kampania kontra iligal a droga iti administrasion ni Duterte.e.
Ni Dela Rosa ket sigud a hepe ti PNP ken kangrunaan a nangisayangkat ti Oplan Tokhang.
Awan pay ti opisial a dokumento a naawat ti Department of Justice seknan iti warrant.
Inkalintegan met ti benneg ni Dela Rosa a saan a saklaw ti ICC ti Pilipinas manipod idi nagikkat daytoy idi tawen 2019.
Nupay kasta, impaganetget ti ICC a mabalin paylaeng nga imbestigaran ken dalusan dagiti krimen a napasamak bayat a kameng paylaeng ti pagilian.
Iti agdama, awan pay ti statement ni Dela Rosa seknan iti nasao a banag.
