Pinalubosan ti Trial Chamber III ti International Criminal Court (ICC) ti kiddaw ti Office of the Prosecutor nga ikonsiderada iti rekord ti nakalista a testimonya ti testigo a nailinged iti nagan a “P-1100” iti sidung ti Rule 68(3).
Iti desisyon ti korte a napetsaan iti Oktobre 2, kinisayan ti korte ti maysa nga oras ti naituding a panawen para iti kanayunan a panangdamag ti prosekusyon. Panggep ti nasao nga addang a mapapartak ti panagdengngeg.
Inaprubaran metlaeng ti korte ti panangiyuneg iti rekords ti lima pay a testimonya nga insurat mismo ti testigo.
Nupay kasta, imbasura ti Trial Chamber III ti kanayunan nga uppat a dokumento nga impresenta ti Prosekusyon gapu iti kinakurang ti pammalawag manipud iti testigo.
Kagidan dayta, impeksa ti korte iti prosekusyon nga agbalin a naannad ken liklikanda ti maaw-awagan a “wholesale dumping,” wenno ti ulit-ulit a panangipresenta kadagiti ebidensya iti trial record nga awan met iti direkta a koneksyonna iti kaso.
