Namonitor ti Philippine Coast Guard (PCG) ti unathorized a marine scientific research (MSR) activities ti maysa a Chinese research vessel iti sakop ti Cay-2 ken Cay-3 asideg iti Pag-asa Island idiay West Philippine Sea iti napalabas a lawas.
Itay kanikadua, impakaammo ti PCG a namonitorda ti Chinese vessel a Xiang Yang Hong 33 a nadesinyo tapno mangsuporta kadagiti submersibles, mapping ti seafloor, panangkalap iti deep-sea data, ken mangisayangkay iti marine ecological studies.
“The vessel was escorted by Chinese Coast Guard vessels CCG 5101 and CCG 5309, which deployed rigid-hulled inflatable boats (RHIBs) and rubber boats. Chinese personnel were observed landing and conducting illegal activities on Cay-2 before proceeding to Cay-3,” sigun iti Philippine Coast Guard.
Itay laeng nabiit, impakaammo metlaeng ti nasao nga ahensiya a pimmanaw ti Xiang Yang Hong 33 kalpasan iti tallo nga aldaw.
Sigun iti nasao nga ahensiya, manipud iti iseserek daytoy iti Philippines’ exclusive economic zone (EEZ), nangisayangkat ti nasao a barko iti illegal nga aktibidad kadagiti nagduduma a paset ti Philippine waters.
Kas sungbat, nangisayangkat meytlaeng ti PCG Islander 4177 aircraft iti maritime domain awareness (MDA) flight idiay Kalayaan Island Group idi kalman.
Nangipatulodda metlaeng iti radio challenges kadagiti barko ti China.
Impetteng ti ahensiya nga awan ti pammalubosda kadagiti Chinese vessels a mangisayangkat kadagiti aktibidad kas maitunos iti international law a mangibilbilin kadagiti foreign states a kayatda a mangisayangkat iti research kadagiti dadduma a territorial sea a mangisecure dagitoy iti pammalubos manipud iti coastal state- banag a saan nga innaramid ti China.
Iti baet dayta, impanamnama ti Philippine Coast Guard ti panangidepensada iti maritime zones ti pagilian ken impettengda a saanda nga ipalubos a basta latta sumrek dagiti barko a iti territorial sea a sakop ti Pag-asa Island. //bombokaren.c.s
