Dumanonen iti 35 dagiti bilang ti pimmusay bayat nga agtultuloy ti panangsarak dagiti otoridad kadagiti mapukpukaw kasaruno iti pannakauram ti MV Jne Aster idiay Coron, Palawan.
Sigun iti Philippine Coast Guard (PCG), 43 dagiti nakalasat pakairamanan ti 13 a crew members.
Karaman kadagiti survivors ti dua nga agasawa a Chiliean nationals no sadino mannarimaan metten ti pannakikoordinar dagiti otoridad iti embahada da ditoy pagilian.
Mannarimaan pay laeng ti search operation para iti nasao a barko.
Kabayatanna, kinumpirmar ti Maritime Industry Authority (MARINA) iti Bombo Radyo Philippines a nakalasat ti kapitan ti nasao a barko.
Iti pannakiuman ti Bombo Radyo kenni MARINA Regional Office 4 Director Atty. Maxino Bañares, Jr., kinunana a kinumpirma ti shipping company a sibibiyag ti kapitan ngem agingga ita ket saan pay laeng daytoy a nagparparang kadagiti otoridad.
Sigun kenni Bañares, agtultuloy ti panangsarak ti MARINA iti nasao a kapitan tapno maalada ti pammalawag ken bennegna ken tapno maipasidung metlaeng daytoy iti imbestigasyon.
Posible metlaeng ngamin a mapatawan daytoy iti administrative liability nu mapaneknekan nga ada ti nilabsingna a maritime safety regulations ken dadduma pay a pagalagadan.
