--Ads--
Nangipaulog ti Philippine Coast Guard (PCG) iti radio challenge iti maysa a barko ti China Coast Guard (CCG) a naimatangan iti asideg ti Zambales, Pangasinan, ken probinsia ti Ilocos.
Kabayatanna, naalarma ti PCG kalpasan a ginandat ti barko ti China nga umasideg kadagiti probinsia nga adda iti igid ti baybay ti Luzon.
Sigun kenni Philippine Coast Guard (PCG) spokesperson for WPS Rear Admiral Jay Tarriela, naobserbaranda a sursuroten ti CCG ti direksion a mainaig iti inawaganda a “nine-dash line.”
Ti “nine-dash line” ket ti nalawa a paset ti taaw a padpadasen ken ipilpilit ti China a kukuada.
Patien ni Tarriela a kasapulan ti radio challenge iti China gapu iti mapapati nga illegal nga aktibidadna iti West Philippine Sea (WPS).
