Dumanon iti 35 ti kompirmado a pimmusay kalpasan a nauram ti barko nga MV June Aster sadiay Coron, Palawan idi Mierkules, September 09, 2026.
Sakbay a narekober dagiti 30 a bangkay, immun a nakompirmar a lima ti pimmusay bayat a 43 dagiti nakalasat.
Nauram ti nasao a barko kabayatan ti panagdalyasat daytoy iti baybay a paset ti Coron.
Temporaryo a naisardeng ti Search and retrieval operations gapu iti gatultuloy nga uram.
Nupay kasta, naideklara a fire out idi Biernes ti agsapa.
Sigun kenni PCG spokesperson Commodore Noemie Cayabyab, nagrugi ti retrieval ken transfer dagiti bangkay iti pasado 5:16 p.m babaen iti barko a BRP Cape Engaño (MRRV-4411).
Maiturong dagiti bangkay iti sangladan sadiay Borac, Palawan intun Sabado, September 12 ken manamnama a maisangpet iti 11:00 a.m.
