Parikut ita iti Guinzadan Central, Bauko Mountain Province ti illegal parking iti laksid ti kinaadda ti parking slot iti nasao a lugar.
Sigun kenni, Sabas D. Mangawa, Kagawad iti Barangay Guinzadan Central, Bauko, karit kadagitoy ti panangrisot iti nasao a pakaseknan gapu iti kinailit iti kalsada ken ti kinaawan iti partisipasion ken kinasadut dagiti sumagmamano a driver nga agparada iti naituding a pagparadaan dagitoy.
Kabayatanna, inaklon ni Diego M. Bastian, Kapitan iti nasao a Barangay a posible a ti nababa a multa ti rason ti agtultuloy a panaglabsing iti Barangay Ordinance no. 24, wenno illegal parking act, nu sadino P15 laeng ti multa dagiti driver apaman a nilabsingda iti nasao nga ordinansa.
Iti baet daytoy, impasigurado dagiti maseknan nga otoridad iti nasao a lugar nga ar-aramidenda ti kabaelanda a mangrisut iti daytoy.//Via Novie Amber Peredo, Local News Correspondents, Bauko Mountain Province
