Manarimaan paylaeng ti imbestigasyon dagiti kameng ti pulisya iti pudno a rason ti ipupusay ti maysa a babae sadiay Upper Wangal, La Trinidad, Benguet a nabirukan idi pasado alas nuebe ti rabii idi kalman iti pagbanbantayan daytoy nga store.
Ti nasao a biktima ket addaan iti ligal nga edad, single, ken residente sadiay Upper Wangal, La Trinidad, Benguet.
Maibasar iti blotter, ti bangkay ti biktima ket nabirukan iti nasao nga store daytoy.
Sigun iti maysa a witness, nagturong ti witness iti store ti biktima tapno gumatang ngem saan a sumungsungbat ti store owner.
Idi met sinumrek ti maysa a kustomer iti uneg ti store, nakitana ti nakadasay a bagi ti biktima nga awanan iti puot ken adda ti rumrumwar a dara iti ngiwatna.
Dagusda met nga inkoordinar daytoy iti La Trinidad Municipal Police Station.//Bombo Genzel Depayso
